Atuartut amerlanerpaartaat ilikkarniarnermikkut ajornartorsiuteqarput

Tamassumunnga pissutaapput annertunngitsunik innarluutillit, soorlu ADHD-eenermik nappaatillit aamma naqinnernik ilisarinnissinnaanngitsutajornartorsiuteqarfiusuni angerlarsimaffeqartut.

Atuarfimmi atuartut tallimaagaangata pingasut immikkut iliuuseqarfigineqarnissaminnut pisariaqartitsisartut, IMAK-ip sinniisoqarfiisa ataatsimiinneranni siulittaasup Sivsi Dorphip nalunaarusiaminik saqqummiinermini nalilerpaa.

- Isumaqarpunga atuartut 60 procentiisa missaat atuartuusut immikkut pisariaqartitsisut. Nunatsinni misilitsinnerni inernerusartut misissorutsigit atuartut 42 procentii pitsaasunik naammaginartunilluunniit angusaqarsimapput. Sinnerili naammaginanngitsumik angusaqarsimallutik, Sivso Dorhp oqarpoq nangillunilu:

- Tamanna nalaatsornerinnaava? Pissutsit taamaannerinik akissutissaqartitsiumalluta Nunatsinni tamanna pillugu ilisimatusarnermik misissuisoqartariaqarpoq, Sivso Dorph oqarpoq.

IMAK-ip piumasarivaa ajornartorsiutit pineqartut tamaasa qitiutillugit suliniutigineqartariaqartut.

Danmarkimi misissuinerni paasineqarsimavoq, atuartut angajoqqaavi imigassamik ikiaroornartumillu ajornartorsiuteqarneranni meeraat ilikkarniarnermik ajornartorsiuteqartartuusut.

Sivso Dorphip maluginiarsimavaa, kommunit annertuumik atuarfeqarnermut sipaaruteqartarsimasut:

- Neriuppunga qinikkat, atorfilinnut periusiliatik tunngavigalugit iliuuseqartartunut suliffissuaqarnermilu pissutsit tunngavigalugit siunnersuisartunut naalakattaarunnaarlutik, paasinnilissasut akusussaaffinnillu tigusissasut, Sivso Dorph oqarpoq.