Atuartut allagartartaartinneqarmata nuannapput
Nuummi Kangillinnguit atuarfianni klassit pingajuanni atuartut Atuarfitsialaap immikkoortuanik siullermik naammassinninnertik ippassaq diplominnassutigaat. Atuartut, angajoqqaat ilinniartitsisullu assut tulluusimaartut, suleqatitta alakkarpai.
Atuarfitsialaap immikkoortua første-anden-tredje klassenillu ingerlatsiffiusoq, Atuarfitsialaap aaqqissuunneqarnerani immikkoortut pingasut siulleraat. Ukiuni qulini atuartoqartarpoq, Kangilliinnguullu atuarfiani allagartartaartitsineq immikkoortumut tullermut ikaarsaarnissamut piareersarneruvoq, minnernut immikkooortortami pisortaq Rita Thomsen oqarpoq.
- Atuarfitsialaap eqqunneqarnerani ukiuni kingullerni pingaartinneqartorujussuuvoq meeqqap atuarnermini naliliisarnissani isummerfigissagaa, taamaalilluni: - Alloriarfik siulleq 1-2-3 qaangiuppoq, ingerlariaqqissaanga trin 2-mut, tassa 4. klassimut. Tassani nersornaatitut tunniuttagaq taanna tunniupparput unnummut.
Nalunanngilarlu meeqqat atuarnertik assut nuannarigaat. Pingaartumik…
-Matematikki, aamma ilinniarluni.
Amisuna Berthelsen 3.a-mi atuartoq taama oqarpoq.
Kangillinguit Atuarfiani erinarsorlunilu qitittoqarpoq. Atuartuutilik Lotte Tróndheim isumaqarpoq Atuarfitsialammi ingerlatsineq assut pitsaasoq, atuartoq, angajoqqaat atuarfillu suleqatigiilluartarmata.
- Isumaqarpunga meqqanut pingaarutilik unnummut pisoq, diplomersillutik. Unnussiuaaqatigiilaarluni imatorsuunngikkaluarluni pingaaruteqarluni.
Atuarfitsialak ajorinngilara ingerlanera, soorlu atuarfik ilinniartitsisut angajoqqaallu , soorlu suleqatigiinnerusutut ikkamik.
Lotte Tróndheim oqarportaaq angajoqqaatut pingaartuusoq atuarfimmut attaveqarluarnissaq, pingaartumik meerarisap ilinniartitsisuinut.
- Uggornaraluaqaaq massakkut ilinniartitsisui inuulluaqqusariaqassagatsigit, taava atualeqqikkunik allanik ilinniartitsisortaarlutik. Maqaasinassapput.
Angajoqqaat allat aamma oqarput, Atuarfitsialak ajortumik eqqartorneqarpallaartartoq.
Assersuutigalugu angajoqqaaq qallunaaq oqarpoq Atuarfitsialak assut pitsaasoq, siunertaqarnerulluni ingerlatsiffiugami. Unnuullu ilaagut paggatsitsisoqaannaaraaq.