Atuartunut angajullernut tapiissutit atorunnaarsinniarneqalerput

Aningaasat atuartunut anginernut tapiissutaasartut peerneqarnissaannik Naalakkersuisut siunnersuutaat, Inatsisartut upernaakkut ataatsimiinnerminni aappassaaneerlugu oqaluuserissavaat.

Tamanna Malik Lindenhannip, Qeqertarsuarmi 10. klassimi atuartuusup, uggoraa. Tassami tapiiffigitissaaruni atuareernermi kingornagut sulisalertariaqassagami, tamannalu misilitsinnermi angusaanut sunniuteqarnerlussinnaasoq oqaatigaa:

- Nammineq aningaasanik aqutsinissamik iluaqutaalluarlutillu atorluarneqartarput. unitsinneqassangaluarpata suliffissaqarnissara kissaatigissagaluarpara.

Tapiissutinik atorunnaarsitsiniaaneq pisartagalinnut atuarnerup saniatigut sulinerulernermik kinguneqarsinnaasoq, Malik Lindenhannip ernumassutigaa, isumaqarlunilu atuarnerup saniatigut suliffeqarneq atuartunut annernut soraarummeertussanut sunngiuteqarnerlussinnaasoq.

Sooruna peerniarneqartut?

- Taakkuninnga eqqartuinitsinni assigiinngitsunik tunngaveqarpugut aamma massakkut politikkikkut nutarterinermi tulluuppallaartutut isigiunnaarsimavarput, kultureqarermut, ilinniartitaanermut, ilisimatusarnermut ilageeqarnermullu ataatsimiititaliami siulittaasuugallartoq Harald Bianco taama oqarpoq.

Atuartut maannamut qaammammut 1200 koruunit angullugit tapiiffigineqartarput. Siunnersuut akuerineqassaguni 2011-mi aggustimiit atuutilissaaq.

Tapiissutigineqartartut ukiumut 7 millionit koruunit missaanniittut, ilinniartitaanermut naalakkersuisup Mimi Karlsenip ilisimatitsissutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat