Kanngunarsaasoqarnera pissutigalugu atuartut naggataarnersiornerat taamaatiinnaraat

Ingasattajaartumik pissusilersortoqarsimanera pissutigalugu, Atuarfik Ukaliusap pisortaata atuartut naggataarnersiortut tamaasa angerlartippai. Atuartut ataasiakkaat pissusilersuutaasa 10. klassimi atuartut ulloq nuannisarfissaraluat aserorpaat, Karno Lynge taama oqarpoq.
Nuummi Atuarfik Ukaliusaq Assi © : Simon Uldum
Allattoq Mads Pedersen
maajip 24-at 2017 10:07
Nutserisoq Simon Uldum -

Nuummi Atuarfik Ukaliusami atuartut marluk aaliangersorsinnarlugit kivilersinnarlugit assilisaarneqarsimanerat pissutigalugu ulloq pingaartorsiorfik taamaatiinnarneqarpoq.

Atuarfiup pisortaa Karno Lynge KNR-imut taama oqaluttuarpoq.

- Akuerineqarsinnaanngitsumik iliuuseqarneruvoq aamma akuerisinnaanngilluinnarparput, Karno Lynge taama oqarpoq. Atuartut naggataarnersiortut angerlartinneqanginnerini sakkortuumik oqaloqatigisimavai.

- Eqqunngitsuliorfigineqartut marluusut angajoqqaavi attaveqarfigineqareerput. Pisoq politiinut suliassanngortissanerlugu taakku aalajangigassarissavaat, atuarfiup pisortaa oqarpoq.

AAMMA ATUARUK Jensip pania kanngusaarneqartoq

Atuartut naggataarnersiortut pingasut Qinngutsinnut aqqusinermi ungalunut aamma titartaasimasut atuarfiup pisortaata oqaatigaa.

- Atuartut titartakkaminnik piiaajartortinneqarput, Lynge oqarpoq.

Atuarfiup pisortaa oqaluttuarpoq atuartut naggataarnersiortut atuartut marluk kanngunartuliorfigineqarnissaasa tungaanut  nuannisarsimagaluartut.

- Atuartut ataasiakkaat pissusilersuutaasa 10. klassimi atuartut ulloq nuannisarfissaraluat aserorpaat, Karno Lynge taama oqarpoq.

Nuummi politiit pisoq suli oqaaseqarfigisinnaanngikkallarlugu KNR-imut oqaatigaat.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk