Atuartorpassuit Maaji Peqqinnartuutigumi arpaqataalerput

Kalaallit Nunaanni arpatsitsinerit peqataatitaqarnersaat pissaaq ullaap tungaani qulinut, Nuummi Katuap eqqaaniit aallarfeqassalluni. Atuarfimmi Timersorneq, Maaji Peqqik aamma Air Greenland arpannissamik pilersaarusiortuupput.

Nuummi atuarfiit tamarmik arpannissamut peqataaqquneqarsimapput, tamatuma kinguneraa arpannissami peqataasussat 2000-t angumassammatigit.

Arpaffissaq 2,5 kilumiiterisut isorartutigaaq kaaviijaagassaallunilu. Akunnerup ataatsip iluani qanorsuaq unammilluni kaaviijaartoqarsinnaavoq.

Unamminerup aallartinngilaattaani meeqqat tamarmik kissasserneqassapput, kissassaasuulluni Joachim B. Olsen, kuulertartoq, danskisut taaneqartartoq kuglestøder.

Atuarfimmi Timersornermik ingerlatsisoq Kim Godtfredsen oqaluttuarpoq, peqqissuunissaq anguniarlugu Maaji Peqqimmi peqataasut aatsaat taama amerlatigisut, tassami peqatasut 10.000-t missaaniissimammata.

Maaji Peqqik Narsami aamma pisioqarfiuvoq. Allatut ittumik sisamanngorpat Narsami pisoqartussaavoq, kulturikkut uillorsuarmi illarrannissaminnut Narsarmiut periarfissinneqarput.

Illarneq peqqinnartuuvoq, tamanna uppernarsiniarlugu Narsami pitsaaliuinermik siunnersortip illartitsilluni misilinniarpaa. "Indiamiut iliuusaat" aallaavigalugu illaqatigiittoqartussaavoq.