Atuarfitsialak Danmark-imi oqallisigineqalerpoq

Allattoq Jaaku Lyberth
februaarip 02-at 2007 15:15

Atuarfitsialak Danmark-imi sapaatip akunnerata tulliani oqallisigineqassaaq. Det Grønlandske selskab oqallititsinissamut aaqqissuisuuvoq, saqqumiisussallu tassaallutik Jens Jakobsen Karl Kristian Olsen-ilu Inerisaavimmeersut. Aaqqissuussineq Danmark-imi Grønlands Geologiske Undersøgelse-p illutaani ingerlanneqassaaq.

Meeqqat ilikkagaqariartortarnerat oqaluuserisassatut pingaarnertut sammineqassaaq, aaqqissuisullu naatsersuutigaat atuartut kalaaliaqqat qallunaaqqallu immikkut atuartinneqartarnerisa atorunnaarsinneqarneranut tunuliaqutaasoq oqallisigineqarumaartoq.

Oqalugiartitsisarnitsinni ataatsimiititaliarisatta aalajangerpaat ineriartornerup tamassuma pissanganartup tusagaqarfigineqarnissaa, det grønlandske selskab-ip allattuunera Jørn Wurtz oqarpoq.

Det Grønlanske selskab ullumikkut 1100-inik ilaasortaqarpoq.