Atuarfitsialaap killiffia nalilersuiffigineqaleruttorpoq
- Sumut killinnersugut aamma misilittagariikkavut allanngortinneqassanersut, kiisalu qanoq ingerlaqqeriaqqissanersugut naliliinerup takutittussaassavaa, Inerisaavimmi pisortaq Jens Jakobsen oqarpoq.
Atuartut angusaasa peqqussummut naleqqiullugit killiffii, atuarfimmit naammassisut ingerlariaqqittarneri, ilinniartitsisut ilinniaqqittarneri, angajoqqaat suleqatigineqarneri atuarfiillu pisortaasa sulineri misissuiffigineqartunut ilaapput, naliliinermilu saqqummiunneqartussaallutik.
Naliliinerup naggataani inassuteqartoqassanersoq pillugu Jens Jakobsen ima oqarpoq:
- Massakkut eqimattakkaarlutik oqallipput, aamma naliliinermi saqqummiunneqartut tunngavigalugit allannguutissatut inassutigineqartoqassanersoq paasinarsissaaq.
Inerisaavik, Ilinniartitsisut kattuaffiat IMAK, KANUKOKA aamma ilinniarfissuaq atuarfik pillugu naliliigallarnermik aaqqissuisuupput.