Kangaamiuni atuartut misiliisut. Assi: Tele-Post

Atuarfinni internetti sukkanerusoq: Kangaamiormiut Naalakkersuisumut attaveqartut

Kangaamiut siullersaalluni internettimut attavilerneqarpoq, nunaqarfinnilu atuarfiit aamma periarfissiissalluni.

Kangaamiut atuarfianni atuartut ippassaq marlunngornermi nuannaarutissaqalerput.

Tele-Postimmi nunaqarfiit atuarfiinut attaviit sukkasuut atuutilersippai, modemi nutaaq atulersinneqarmat, internetikkullu periarfissat pitsanngorsarneqarlutik.

Atuartut ilinniartitsisullu videotigut Skypetigut toqqaannarluni attaveqaatit atorlugit avammut attaveqarsinnaalerput.

Tele-Post taama nalunaaruteqarpoq.

AAMMA ATUARUK Internetip sukkassusia TELE-POST-ip sukkatsisikkaa

Ilinniartitaanermut, Kultureqarnermut, Ilageeqarnermut Nunanullu Allanut naalakkersuisup Ane Lone Baggerip Skypetigut attaveqaatit atorlugit Kangaamiuni atuartut attaveqaatit nutaat pilluaqqusissutigai.

Nunatsinni nunaqarfinnut attaveqaatinik qulakkeerinninneq naalakkersuisut nuannaarutigaat, ilinniartitsinermimi avammut attaveqarnissamut periarfissagissaartoqarnerulissammat:

- Kangaamiormiunut periarfissaavoq pitsaalluinnartoq, nunattalu sinneranut attaveqaatit siuariarnerisigut aammattaaq periarfissiissutaalluarluni. Tele-Post sukkanerusumik attaveqaasersuinerminnut nunatsinnut ataavartumik avammut attaveqariaatsimut periarfissiivoq, nunaqarfinniit avataaneersut attavigineqalersinnaanerat pillugu, meeqqanullu nunarsuarmut ammaassisuuvoq, Ane Lone Bagger oqarpoq.

AAMMA ATUARUK Nunaqarfiit amerlanersaanni internetti pitsaanerulersoq

Nunaqarfiit 54-it nuna tamakkerlugu qaammatini tulliuttuniiserfissanik killilersugaasunik modeminik pissapput, Qeqqatalu Kommuniani nunaqarfinni ikkussuineq aallartereerpoq, Avannaatalu Kommuniani nunaqarfinnut ikkussuineq tullinnguulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat