Atuarfinni aqutsisut aqutseriaatsimut nutaaliaasumut pikkorissarneqarput

Ilinniartitsisut kattuffiata IMAK-ip aaqqissugaanik atuarfinni aqutsisut aqutseriaatsimut nutaaliaasumut siullermeerutaasumik pikkorissarneqarput.
marsip 14-at 2008 12:14

- Inuk kinaluunniit aporfeqartoq ajornartorsiuteqartoq nammineq oqaloqatiginninnikkut ajornartorsiummik qaangiiniarnera aqqutissiuuttussaassagatsigu taamatut ilinniarpugut. Oqaloqatiginninnikkut inuk kaammattorlugu aqqutissiuullugu soorlu siunnersorsinnaallugu, kisianni qaangiiniarnermi inuk apeqqutaasorujussuuvoq, nammineq ujartortussaavaa taamatut ajornartorsiummi qaangiiniarnermi. Taamatut oqarpoq Paamiuni atuarfiup pisortaa Najaaraq Petersen.

Sinerissami atuarfiit pisortaasa ilaasa immikkoortortanilu aqutsisut ilaasa peqataaffigisaannik ikiorfartuineq atorlugu aqutseriaaseq Ilulissani pikkorissarfigineqartoq pillugu.

Soorlu ilinniartitsisunik napparsimakulasoqalerpat pisortap napparsimakulasoq aggersarsinnaavaa oqaloqatigalugulu ajornartorsiummik qanoq qaangiiniarsinnaanera aqqutissiorneqarsinnaanersoq, tamannalu neriunaateqarluarnerarpaa.

Monika Dorph Qaqortumi immikkoortortat ilaanni aqutsisuusoq pikkorissartunut peqataasoq ilaatigut ima oqarpoq:

”Soorunami sungiusagassaapput ukua oqaloqatiginneriaatsit assigiinngitsut kisianni pissarsinartorujussuuvoq makkua suleqatigut, ilinniartitsisut, aqutsisullu suleriaatsit assigiinngitsut erseramik taava immaqa assigiiaarnerusumik sulilerutta oqinnerulissaaq.

Illit nammineq aamma tusaqarsinnaanngorpit soorlu allanngortilaarsinnaasanniik?

Ilaana tassa pissarsinartorujussuuvoq aamma isumassarsinartorujussuuvoq iluaqaaq.

IMAK-ip siulittaasua Sivso Dorph oqarpoq peqataaniartut tamarmik inissaqarsimanngimmata kingusinnerusukkut pisortanut pikkorissaanerit ingerlanneqaqqikkumaartut.