Atuarfimmut namminersortumut Kalaallit Nunaanni siullerpaamut allatsipput

Nuummi Atuarfimmut Namminersortumut, tassa Nuuk International Friskolemut ullumi allatsittoqarpoq, Atuarfik taanna tassaavoq pisortat aqutarinngisaannik ingerlanneqartussaq.

Klasset siulliit, aappaat, pingajuilu ukiaru aggustimi atualersussaassapput.

Atuarfiup siulersuisuini siulittaasup tulliata, Henrik Hornumip, angajoqqaanik meeqqaminnik allatsitserusuttoqaalunnerarpaa.

Angajoqqaat atuartuuteqarnerminnut ukiumut 31.000 koruuninik akiliuteqartassapput, meeqqamillu atualinnginneranni 30.000 kr.nik qularnaveeqquseeqqaassapput.

-Akissaq sualugineqarsinnaagaluaq, aningaaseriviit atorniarsinnaanernut neqerooruteqarluarnerisigut angajoqqaat periarfissinneqarluartut Henrik Hornum Radioavisimut oqarpoq.

Atuarfittaassaq Nuup Nuussuaani allakkerivitoqqamiissaaq, maannalu allanngortiterlugu aallartinneqareerpoq.

-Suliaq annertugaluaq, aningaasalersornissaata aaqqissuunnissa tullinnguuppoq. Isumalluarpugut, Nuup Kommuneatami tapersersornerarpaatigut; atuarfeqarnermili inatsit naapertorlugu tapiiniarnera apeqquserneqarsinnaavoq.

-Pissanngappugut, atuarfiullu piviusunngortinnera tulluusimaarutigaarput, Henrik Hornum ernerminik Nuuk International Friskolemi atualersussaatilik oqarpoq.