Atuarfik serlersaarfigineqartoq

Serlersaarisut igalaavaqqakkut iseramik, atuarfiup qalianukariarlutik qatserut ammarsimavaat sakkortuumillu kuutsilerlugu.

- Qaliata naqqa ulikkaarmat imeq ammut kuussimavoq, taama tupassimaqaluni oqarpoq atuarfiup pisortaata tullia Bodil Brandt

-Inerpaalussuit assigiinngitsut, ilaatigut assarsortarfik, fysikertarfik inillu siunnersuisartut atortagaat arlallit imermik ulikkaaqqapput atorsinnaajunnaarlutik saniatigut qulliit igalaallu sequtserneqarsimapput, aserorneqarsimasulli tamaasa suli takunnginnatsigit oqaatigiuminaakkallarpoq qanoq aserorterisoqarsimatiginersoq Bodil Brandt taama oqarpoq.

Taamaakkaluartoq atuartitsineq pilersaarutaareersutut ingerlanneqassaaq, katersortarfitoqaq atuartitsivittut ullumi atorneqassammat. Ulluni tulliuttuni atuaqatigiiaat inini atorsinnaasuni pisariaqaraangat ataatsimoortillugit atuartinneqartassasut Bodil Brandtip aamma erseqqissaatigaa.