Atuarfik pujortarfiunngitsoq
Tamanna aalajangiunneqarpoq angajoqqaat atuarfimmi atuartuutillit taama pisoqarnissaanut kissaateqareersullu.
- Atuarfik peqqissoq, pujortartarneq aamma peqqinnanngitsuummat, kissaatigivarput. Aamma atuartut peqqinnerunissaat pinerullugu. Kiisalu sulisut ilinniartitsisullu maligassiuinissaat kissaatigalugu skolebestyrelsemi taamatut aalajangerpugut, Kristoffer Mathæussen, atuarfimmi siulersuisut siulittaasuat Qanoruumut oqarpoq.
Atuarfik Jørgen Brønlundimi ilinniartitsisut, allaffimmiut, eqqiaasut aamma allaffimmiut amerlanerit pujortarneq ajorput.
- Nuannaartorujussuupput amerlanerit. Taava ataasiakkaannguaqarpoq imatut oqartunik: ”Aasinaasiit inerterinersuaq aallartinnialeqaaq!” Ajunngilaq sorsuutigissuarput, Aka Grønvold, pisortamut tullersortaagallartoq oqarpoq.
