Unnugu anoraasuarluni aallartissaaq, aqaguli sakkortunerussalluni.

DMI-mi silasiortoq Mille Brandt Jensen, Tasiilami piterarnissaanik aarlerisaarivoq, unnugulu takkukkiartuaaleriissasoq taanna oqarpoq.

- Sekundimut 30 miiterit angullugit sakkortussusilimmik anorlissaaq. Sakkortusippallu sekundimut 45 miiterti angusassallugit, ullorlu tamaat taamaassaaq, taanna KNR-imut oqarpoq.

Tasiilami nunaqarfiinilu kommunip suliffeqarfiutai tamaasa atuarfiit, meeqqeriviit, allaffiit allallu ulloq tamaat matoqqatinneqassapput.

AAMMA ATUARUK Illut qaavi kaanngarnikut, biilillu igalaavi sequminnikut

Angerlarsimaffinni ikiortit ulloq unnuarlu angerlarsimaffinni sulisut nalinginnaasumik suliumaartut, Kommuneqarfik Sermersooq ilisimatitsivoq.

Tasiilami politiit aamma kalerrinneqartut, Mille Brandt Jensen oqarpoq.

- Tasiilami politimesteri ilisimatereerparput, taakkulu piterartussaatillugu qulleq aarlerisaat ikitussaavaat, taanna oqarpoq.