Atuarfiit corona pissutigalugu matoqqagaluartut nerisassaqartitsiinnassasut
Atuarfiit matoqqagaluartut aamma angajoqqaanut sulisariaqartunut paarsisussaqannginnermilu atuariartortariaqartunut kisimi ammatinneqaraluartoq meeqqat atuartut atuarfimmi akeqanngitsumik suli nerisinnaassapput.
- Pisiniarfigisartakkagullu isumaqatigiissuteqarpugut, meeqqanut paarineqartariaqartunut nerisassanik ullut tamaasa aggiussisassasut, taamaammat meeqqanut neriartuinnarlutik takkunniartunut nerisassaqartitsissaagut, Lone Nukaaraq Møller, Meeqqanut Atuarfeqarnermilu Ingerlatsivimmi pisortaq oqarpoq.
AAMMA ATUARUK Coronavirusip ernumassutigineqarnera: Atuarfiit timmisartuussinerillu matulersut
Kommuneqarfik Sermersuumi aalajangerneqarpoq, upalungaarsimanertut aaqqiinerugaluartoq atuarfinni nerisitsisarneq ingerlatiinnarneqassasoq, tassani patsisaalluni:
- Nassuerutigisariaqaratsigu, kommunitsini meeraqarmat atuarfimmi nerisitsinermi nerinissamik pisariaqartitsisunik. Ulluinnarni pissutsit atugaat allanngorluinnareersut toqqisisimanngereersullu sumiginnassallugit inissaminiinningilaq, Kommuneqarfik Sermersuumi borgmesteri Charlotte Ludvigsen oqarpoq.
AAMMA ATUARUK Corona: Kommunet angerlarsimaffimmi imatut atuartitsissapput
Nerisassat meeqqaniit anninneqarsinnaanngorlugit taqualiortarnertulli poortorneqassapput.
Kommunip meeqqeriviini tamani ajornartoornermi paaqqinniffissanik aaqqissuussineq atuuppoq. Taakkunani nerisitsisarneq nalinginnaasutut meeqqerivinni sulisunit isumagineqassaaq.