Atuarfeqarneq pillugu immikkoortortami pilersaarutit tusarniaassutigineqarnerat sivitsoraat
Nuummut nuuttut amerliartornerat pissutaalluni Nuummi atuarfiit atuartunut minnernut annernullu agguataarneqartalernissaat pilersaarutaavoq. Atuarfiit pingasut tunngaviusumik atuarfinngornissaat taamaammat pilersaarutaavoq, atuarfiillu marluk atuartunut annernut naatsorsuussaallutik.
Tusarniaaneq aqagumut tallimanngornermut septembarip ulluisa 26-annut killeqaraluarpoq. Tusarniaanerli sapaatip-akunnerinik arfineq-pingasunik maanna sivitsorneqarpoq, taassumalu saniatigut paasisitsiniaatigalun ataatsimiisitsisoqassalluni, soorlu aamma tusarniaatigaluni ataatsimiisitsisoqassalluni. Atuarfeqarfinnut pilersaarut pillugu tusarniaaneq angajoqqaat naammagittaalliuutigisimavaat.
Isornartorsiuineq tusaatissatut tiguaa
Kommuneqarfik Sermersuumi Meeqqanut, Ilaqutariinnut Atuarfeqarnermullu Ataatsimiititaliami siulittaasup Andreas Uldumip isornartorsiuinerit tusaatissatut tiguai:
- Immikkoortunut pilersaarut peqqissaarullugu suloiarineqarpoq, taannalu atorlugu kommunimi atuarfinnik pitsanngorsaasoqarsinnaalluni, atuarfinnilu siulersuisunut qaammatini marlunni tusarniaassutigineqarpoq. Taamaattumik suliap ingerlanera pitsaanngitsutut isigineqarmat ugguarpunga, Andreas Uldum tusagassiuutinut nalunaarummi ilaatigut oqarpoq.