Atuaqatigiit pujortartuunngitsut toqqarneqarput

PAARISA-p pinaveersaartitsinermut immikkoortortaqarfiata aaqqissuussaanik atuarfinni atuartut 5. klassiniit 10. klassit tikillugu unammisinneqarnerat 20.000 koruuninik akissarsiassartaqarpoq.

Kangillinnguani 8-ami atuartut pujortartarnerup kingunerisinnaasai misissorsimavaat, tamannalu nalunaarusianngorlugu allassimallugu. Atuartut aviisiliorsimapput, naggataatigullu atuarfiup avatangiisai, peqatigiiffiit, Kattufiit, innuttaasut kiisalu angajoqqaat aviisimi taaneqartunut ilanngunneqarsimapput.

Klassi pujortarfiunngitsoq pillugu unammisitsinermi peqataaniaraanni piumasaqataavoq klassimi atuartut tamarmik pujortartannginnissaat. Unammisitsinermi katillugit klassit 26-it ukioq manna peqataaniarlutik nalunaarsimapput, tallimaannaallu suliamik nammassinnillutik naliliisartunut nassiussisimapput.

Tulliani, tassa upernaaru Paarisa klassi pujortarfiunngitsoq pillugu unammisitseqqinnissani akissarsiassaq 30.000 koruunimik akissarsiassartaqassaaq.