Atuaqatigiit pujortanngitsut
Atuarfinni femte, sjette syvende klassini pujortarneq unitsinniarneqarpoq.
Ukiut aappassaanik PAARISA ”atuaqatigiit pujortartanngitsut”-nik taallugu unammisitsivoq. Unammisitsinermi ajugaasut 20.000 kroninik akissarsitinneqassallutik.
Unammisitsinermut peqataaniartut klassimi atuartut tamarmik pujortartuussanngillat, imaluunniit unammisitsinerup augustimi aallartinnginnerani pujortarunnaarsimassallutik.
Augustimiit novemberip naanissaata tungaanut atuaqatigiit atuartunut allanut imaluunniit inersimasunut, pujortarneq akiorniarlugu suliniuteqassapput.
2003-mi misissuinerit takutippaat inuusuttut 40 procentiisa missaat ullut tamaasa pujortartartut. Atuartullu pingajorarterutaat aqqaneq marlunnik ukioqalertinnatik pujortarneq misilereersimasaraat.