Atuaqatigiit Paamiormiut aalasulianik filmilianik festivalertoqarnerani ajugaasut

Paamiuni Atuarfimmi Tuiisami 7. klassimi atuartut akissarsitinneqarnissaannut tunngavilersuutitut naliliisartoqatigiit ima allapput:

Filmi qiimanartupilussuaq. Filmi meeqqat illoqarfeerartik pillugu takorluugaannik tunngaveqarpoq. Meeqqat "sinnattui" pappiaqqamit qiortarlugit illoqarfeeqqamit assilisanut ikkussuunneqarsimapput. Illoqarfeeraq aallaqqaammut pikkunaakujussinnaasoq meeqqanut paradiisinngortinneqarpoq nuannaarniartarfinnik ulikkaarluni pinnguarnissamullu inissaqartitsilluni.

Filmi aamma isikkivinnik nuannersumik allannguiffiuvoq. Meeqqat inimut iseraangata timmissap isikkivia atorlugu takutinneqartarpoq, inimiillu anigaangata filmi nalinginnaasumik isikkiveqaqqilersarluni. Tamanna isiginnaakkap pitsaasumik allanngorarneranik pilersitsivoq isiginnaartunillu tiguaalluni.

Meeqqat piviusorpalaartumik aalasulianik qanoq suliaqartoqarsinnaaneranik paasisimasaqarluarsimanerat aamma immikkut eqqaarusupparput. Nuannaarniartarfiit filmimiittut aamma pitsaasumik sukkassuseqarlutillu eqqortumik aalasuupput. Meeqqat nilliarpalunneri uummarissaataapput, allaanngilarlu ilaaginnarluni. Takorluugaasa ilaat piviusunngornissaat neriuutigaarput.

Filmit allat marluk Tysklandimeersoq Danmarkimeersorlu aamma immikkut nersorniarneqarput.