Atuakkiortut Islandimi katerisimaartut
Peqataasunut ilaavoq Nuka Godtfredsen. Kalaallit Nunaata oqaluttuarisaanera itsarsuarnisaq titartaganngorlugu Nuka Godtfredsenip atuakkiaraa. taaguuserlugu "Oqaluttuat", albummillu pingajussaat maanna suliaraa. Nuka Godtfredsenip atuakkiaasa siulliit marluk assiliartaat Nunat Avannarliit Reykjavikimi Illuutaanni aamma saqqummersinneqarput, taakku qulequtaqarlutik "Qanga".
Atuakkiortoq Nunatsinnut soqutiginnittoq, Kim Leine, pikialaartitsinermi aamma peqataavoq, atuakkianilu kingulleq, Profeterne i Evighedsfjorden, tassani oqaluttuaraa.
Atuakkiortut taakku marluk, Nuka Godtfredsen aamma Kim Leine, Nunat Avannarliit akissarsiaritittagaannik akissarsitinneqartussatut innersuunneqarsimapput, taanna Oslomi qaammatip tulliani agguaanneqartussaavoq. Kim Leine Nunat Avannarliit atuakkiorneq pillugu akissarsiaritittagaannik, taavalu Nuka Godtfredsen amma atuakkiortoq, Martin Appelt, meeqqanut atuakkiortunut tunniunneqartartussamut nutaamut innersuunneqarlutik.