Atuakkiortorsuaq Villads Villadsen nunatsinni sunniuteqarluarsimavoq

Nunatsinni atuakkiortorsuit ilaat, Villads Villadsen 90-inik ukioqarluni ippassaq toquvoq.

Villads Villadsen-iugaluaq atuakkiortutut inuttullu qanormi taava ittuua?

Atuakkiortutut 1958-imi ilisimaneqaleqqaarpoq, atuagaq Jensi saqqummersikkamiuk. Kingorna oqaluttualianik, ilinniutinik, allaaserisanik, erinnanik, taallanik allaallu isiginnaagassianik ikinngeqisunik suliaqartarsimavoq, naggatissaminut allaat. Taamaattumik nunatta ernivissuatut taaneqartariaqarpoq.

Atuakkiortunut nersornaasiuttakkamik, sulianilu pillugit arlaleriarluni saqqarmiunik nersornaatisisimavoq, qularutissaanngilarlu nunatta kultureqarnikkut ineriartorneranut Villads Villadsen mikinngitsumik sunniuteqarsimanera.

Kalaallit atuakkiaat taalliaallu ataatsimut katersorlugit antologiiliorsimasup maanna Danmarkimi najugaqartup Christian Berthelsen-ip Villads Villadsen-ip atuakkiortarnera ukiorpassuarni qanimut malinnaaffigereerlugu ima oqaatigaa:

- Isumaqarpunga "Viilarsi" sunniuteqartorujssuusoq, atuakkat 20–it tikingajallugit saqqummersissimavai. Oqaluttuarnermini qanganisat aamm nalitsinni pisut oqaluttuarisarpai saniatigullu taalliarpassuaqarluni, Christian Berthelsen oqarpoq.

Christian Berthelsen aamma oqarpoq Villads Villadsen kalaallit oqaasiinik atuillaqqissuunermigut atuaruminartunillu allattarnermigut atuartartorpassuaqartoq.

Villads Villadsen-ip Qasigiannguani atuarfimmi ukiorpassuarni suleqatigisimasaata Preben Lange-p ikinngunni ilinniarfigisimaqisanilu ima oqaluttuaraa:

- Villads Villadsen inuttut nuannersuuvoq, qiimanartuulluni asullu inuk pissarsinartuuluni, assullu uanga pissarsiffigisaqaara, Preben Lange oqarpoq.

- "Viilarsi" uagut inuunngikallaratta pissutsinik, piniartuunerup nalaani inuunerusimasunut tunngasunik, tunumilu sulisimanerminut tunngasunik oqaluttuassalluni nunaarisarpaa, tamannalu uannut siulitta pissusaannik ilisimalersitsisimavoq.

Preben Lange aamma oqarpoq Villads Villadsen sunngifimmini qalipaaneq pinialuttarnerlu nuannarisarisimagai.

Ajoqiuneq Villads Villadsen Qasigiannguanut 1967-imi nuuppoq, KNR-imilu ukiuni arlalinni ilanngutassiortuusarsimalluni.

Ilinniartitsisuunermi atuakkiortuunermilu saniatigut spejderini sunniuteqarluarsimavoq erinarsoqatigiillu arlallit pilersisimallugit. Taamatuttaaq illoqarfimmini piniartuulluarsimalluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat