Atuakkiorfik tuniarneqalerpoq

Nunatsinni ukiorpassuarni atuakkanik naqiterisitsisarfituaasoq, Atuakkiorfik, tuniniarneqarsinnaasoq naalakkersuisut akuersissutigaat. Atuakkiorfik ukiut marluk matuma siorna Nunatta Naqiterivianit pigineqalerpoq, taamali nuussineq iluatsippallaarsimanngitsoq, Atuakkiorfiup siulersuisuini siulittasoq, naqiterisarfiuttaaq siulersuisuini siulittaasuugallartoq Knud Lund Olsen oqarpoq, isumaqarporlu suliffeqarfiit taakku marluk ataatsimoortissallugit siunissaqanngitsoq.

Atuakkiorfik piuinnassappat periarfissat marluusorai. Namminersornerllutik Oqartussanit pigineqarsinnaavoq imaluunniit tunineqarsinnaavoq. Periarfissarlu kingulleq tassa naalakkersuisut akuerissutigeqqammmerpaat.

Atuakkiorfiup tuniniarneqarnissaa piareersarlugu siulersuisuni sulisoqaleruttorpoq, pisinissamillu soqutiginnissinnaasunik ujarlertoqarluni.

Pisisussamik nassaartoqaraluarpalluunniit Atuakkiorfik ilumut tunineqassanersoq naalakkersuisut naggataatigut aalajangigassaraat.