Atuakkiaq pisuusaartitaq saqqummilerpoq
Tunumi pissaaneq aningaasallu uuliamit isertitat millionilikkaat pillugit atuagaq nutaaq atuagaarniarfinni saqqummingajalerpoq. Kalaallit Nunaannik ukiorpassuarni ilisimannittoq, Hans Jakob Helms, atuakkiortuuvoq, taanna taaguuteqarluni "Hvis du fløjter efter nordlyset" - ima nutsersinnaagunagarput "Arsarnerit uinngiarsorfigigukkit".
Allattoq Carla Davidsen
apriilip 18-at 2011 08:29
Atuakkami, apriilip ulluisa 30-anni saqqummersussami, pingaarnertut inuttaritinneqarpoq angut aviisiliortoq inuusuttoq, Bjørn, 1980-ikkut aallartilaarneranni Kalaallit Nunaannut tikittoq, tamaaniinnerminilu uuliamik qalluisoqalermat pissanganartumik akuulersoq.
Hans Jakob Helms Ammassalimmi inunngortuuvoq, Kalaallit Nunaannullu attuumassuteqartunik 1979-imili suliaqalerluni. Atuagarlu nammineq inuuneranut tunngassuteqaranilu piviusulersaarutaanngikkaluartoq, Kalaallit Nunaanni misigisani atuakkiornermini isumassarsiorfigeqai.
Atuagaq atuaraanni Kalaallit Nunaanniit Danmark aqqusaarlugu Canadamut, Alaskamut Tuluit Nunaannullu angalaneq misigineqarsinnaavoq. Asanninneq aliatsannartoq atuakkami aamma atuarneqarsinnaavoq.
