Atuakkianik Katuami ullumi saqqummersitsisoqassaaq

Assigiinngitsunik pisoqarfiussaaq, ilaatigut atuffassisoqarlunilu, unammisitsisoqarlunilu kaffillertoqassagami.

Atuakkianik nutaanik Katuami ullumi saqqummiisoqarpat atuffassineqassaaq, oqalugiartoqassaaq, guitarertoqassallunilu. Saqqummersitsisoqassaaq, unammisitsisoqassallunilu kiisalu kaffillertoqassalluni meeqqanullu titartaasarfeqassalluni.

Ualeru nalunaaqutaq sisamanut qiteqqunneraniit arferngup tungaanut katerisimaartitsisoqassaaq.

Eqqumiitsuliortut atuakkioqataasimasut ilaat katerisimaarnermi najuutissapput, ilaatigut pinnguarpalaartumik ABCT-mik atuakkioqataasoq Julie Edel Hardenberg, atuagaq eqqumiitsuliortut arfineq pingasut Katuami ulluni pingasuni suliarisimavaat, assitaliunneqarsimasullu ilaat takuneqarsinnaasimassapput.

Atuakkat saqqummersinneqartut ilagaat Anitsiarfik, Naja Lundip asanninnilersaarutaa, Qaammatigik, savalimmiormiup Elin á Rogvi-p pissanganartuliaa, saamip Ristin Sokki-p atuakkiaa Inuunera tupinnartulik, frikadelliiliorfimmut eqqumiitsumut tunngasoq, tusagassiuutinullu assiliisartup Camilla Stephanip Qaanaami assilisaminik atuakkiaa, Ilaquttakka Inughuit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat