VIDEO Atuakkiamut pilerisaarutitut videoliat Nunatsinni siullersaat saqqummertoq
Filmiliornerup silarsuaani pilerisaarutitut videoliat ilisimareerpagut, atuakkanilli naqiterisitsisarfiit amerliartuinnartut saqqummersitatik inuit attaveqaqatigiittarfii YouTube, Facebook Instagram allallu aqqutigalugit aamma pilersaaruteqartalersimapput.
Allattoq Inge S. Rasmussen
Naqiterisitsisarfiup Milik Publishingip atuakkiortoq Sørine Steenholdt, oqaluttualiaaqqanik katersani Zombieland pillugu Nunat avannarliit atuakkiamut nersornaasiuttagaanut innersuunneqartoq suleqatigalugu, atuakkamut saqqummersitaminut pilerisaarutitut videoliortitseqqammerpoq.
Atuakkamut pilerisaarut qulaani isiginnaarneqarsinnaavoq.