Atuakkat kalaallisuut amigaataapput

Pisortaq Elisa Jeremiassen oqarpoq, inuit ullumikkut suli atuarumalluartut, kisianni kalaallisut atuakkianik nutaanik amigaateqartartut:

Nunatta Atuagaateqarfiani Ullumi ulloq assigiinngitsorpassuarnik malunnartinneqarput. Kaffimik tiimillu sassaalliipput, aammalu qitik, aliikkusersuineq erinarsornerlu atorlugit meeqqanut tikilluaqqusineq ersersinneqarluni.

- Malugisinnaasavut naapertorlugit inuit suli maanna atuaqaat, kalaallisut qallunaatullu. Kisianni kalalaallisut nutaarsiassaaleqisaqaagut, naak saqqummertoqartaraluartoq, Elisa Jeremiassen oqarpoq.

Stephan Petersen Nunatta Atuagaateqarfiani atuartoq naammattoorparput.

- Filmikatannrmik ullut tamangajaasa maanngartarput. Maannakkut atuagara atuarpara, filmertaa nassaarineq ajulerakku. Massakkut atuakkanik atuarusunnerulerpunga, filmit pulaffigilluarsinnaanerneq ajornartaramik, paasissutissat ilaat peerneqartaramik.

Ataguaateqarfiup meeqqanut immikkoortortaani sulisoq, Laannguaq Lynge, isumaqarpoq, pinnguaatit elektroniskiusut atuakkanik ukiut 15-imit matuma siornanut naleqqiullugu meeqqat silarsuaanni initunerusut.

- Massakkut malunnarneruvoq, meeqqat pinnguaatinik soqutigisaqarnerusut. Siornatigut pinnguaateqanngikkallaramik, allanik pissaqannginnamik, atuakkanik samminerusarput. Kisianni maani assigiinngitsorpassuarnik pinnguaateqalermalli malunnartumik sangoqqajaasorujussuupput, Laannguaq Lynge oqarpoq.