Atuakkanik saqqummersitsisarfik Atuagkat matuvoq
Piginnittoq Inger Hauge maanna 80-nik ukioqartoq, siornatigutut piginnaateqartigisinnajunaar-
luni naqiterisitsisarfik unitsillugu, Hauge aviisimi
AG-mi pingasunngornermi saqqummersumi
taama oqarpoq. Nunatsinni atuakkanik kalalalisut allassimasunik Inger Haugep saqqummersitsisarsimanera sunniuteqarluarsimavoq iluaqutallunilu.
- Inger Haugetut ittut ilinniartippatigut, anersaaqarfigilluarlugu suliassaq tigugaani, arlappassuarnut aamma sunniussinnaasoq,
Aqqaluk Lynge saqqummersitsisarfik Atuagkat aqqutigalugu atuakkanik sisamanik saqqummersitsimasoq taama oqarpoq.
- Taassa taanna tupinnaqutaa, kalaallisulluunniit oqalussinnaanngitsup, kalaallit kulturiannik taama annertutigisumik tapersersuinera uagutsinnut qanoq taama iluaqutaatigisimanera, Aqqaluk Lynge oqarpoq.
Pisortat ingerlataannik atuakkanik saqqummersitsisarfik Atuakkiorfik matummat Inger Haugep atukkanik saqqummertsisisarfik Atuagkat 1994-mi aallartippaa.
Uanga isumaqarpunga Inger Haugep kalaallinik atukkiortunik qanittuaqqamik suleqateqarluarnini, anersaakkut nukittorsaatigisarsimagaa,
allaat atuakkat imminu akilersinnaanngikkaluartut saqqummersittarsimammagit, tamannalu eqqaamasariaqarpoq, Aqqaluk Lynge oqarpoq,
Inger Haugellu atuakkanik saqqummersitsisarunnarnera peqqutigalugu Pisortat taarsiullutik saqqummersitsisarnermik suliaqartariaqarlersinaasut Aqqaluk Lynge oqarpoq, imaluunniit:
- Suleqatigiit assigiinngitsut suleqatigiinnerisigut, taava kalaallit atuagassaqartinnissaannik suliniaqatigiiffimmik pilersitsigaanni aqqutissat ilagisinnaagaluarpaat, atuakkiortoq Aqqaluk Lynge taama oqarpoq.
Inger Hauge uinilu Steen Amandus Fynimi Mesingemi najugaqarput.
