Atuagaq perorsaanermut tunngasoq saqqummersinneqassasoq
Atuagaq allaaserisanik qulinik imaqarpoq, taakkua Perorsaanermi Ilinniarfimmi ilinniartitsisunit
aamma ilinniarfimmut attuumassuteqartunit Ph.d-nngorniartunit aammalu Århus-imi
VIA University College-mi ilisimatusarnermi direktørimit allataallutik.
Kalaallit Nunaanni meeqqat inuusuttullu angerlarsimaffiup avataanut inissinneqarsimasunut suliniutit atuakkami allaaserineqarput.
Atuakkami aamma atuarneqarsinnavoq, Kalaallit Nunaanni inunnik isumaginninnikkut ilinniartitaanerup oqaluttuassartaa, soorluttaaq allaaserisaani sammineqartut, Kalaallit Nunaanni meeqqat qanoq ajunngitsumik inuuneqarsinnaanerat allaaserineqarlutik.
Perorsaarnermut ilinniarfiup Ilulissaniittup rektoria Nuka Kleemann atuagaq pillugu oqaaseqarnermini neriuutigaa, Kalaallit Nunaanni inunnik isumaginnikkut ilinniarnermi ineriartortumi atuagaq isumassarsiorfiujumaartoq, ulloq unnuarlu angerlarsimaffinni atorneqarsinnaasunik.
Atuagaq inunnik isumaginninnermik oqartussaasunut, inunnik isumaginninnikkut ilinniarfinni ilinniartunut, ulloq unnuarlu angerlarsimaffinni sulisunut atuartartunullu allanut, inunnik isumaginninnermi perorsaanermilu soqutigisaqartunut sammitinneqarluni.
Atuakkap saqqummersinneqarnera, aggutsip aallaqqaatani Perorsaanermi Ilinniarfimmi Ilulissaniittumi immikkut qaaqqusat peqatigalugit malunnartinneqassaaq.
