Atuagaq nutaaq saqqummerpoq

Atuagaq, ilaqutariinnut piukkunnartoq, eskimolog-imit Lisbeth Valgreen-imit kalaallisut qallunaatullu allataq, saqqummerpoq. Atuakkiamik saqqummersitseqataavoq titartaasartoq Nuka Godtfredsen, atuakkamik aamma titartagartalersuisuusoq. Atuakkap oqaluttuaraa nukappiarannguaq Andala, tassuma ikinngutai ilaqutaalu kujataani nunaqarfeeqqat ilaani najugallit, Narsamilu inuuneq tassani tunulequtaavoq.

Atuakkamik saqqummersitsisoq Lisbeth Valgreen oqaluttuarpoq Danmarkimi meeqqat atuarfiini atuartitsisarnermini Kalaallit Nunaani inuuneq pillugu paasissutissanik amigaateqartarsimalluni. Kalaallillu ilaqutariinni inuunerminni ilaquttaminnut atasuummata qallunaaqqanut kalaaliaqqanullu takorloruminartumik neriulluni saqqummersitsisimallutik.

-Andalaaraq ujarassuarmi eqqarsarujoortarfimminiitilluni umiarsuaq ilaasunik angallassissut takuleramiuk arpaannaq umiarsualiviliarpoq. Kalaallit Nunaani illoqarfiit akornanni aqqusineqanngilaq, taamaattumi illoqarfiit akornanni angallatissatuaapput umiarsuaq, timmisartoq helikopteriluunniit. Andalaaraq arpaannaq aterfiorami inuit naapitai, takusai inooqataalu takorlooruminartut atuakkami allaaserineqartut aallartiinnariaapput.

-Uanga soorunami meeraanera aallaaviginerpaavara una Andalaaraq ilusilersorakku aamma annerpaamik pineqarami Kujataani meeraaneq taavalu isumassarsiorfigerujussuarsimavara KGH –qarnera nalaa taavalu ´70-ikkut ingerlaruttornerisa nalaat.

Atuagaq 68-nik quppernilik kalaallisut qallunaatullu allataavoq.