Atuagaq Aasivimmut tunngasoq saqqummerpoq

Atuagaq nutaaq Hjalmar Dahl-ip atuakkiaa qulequtaqartoq: ”Aasivik inuit isumasioqatigiiffiat” 309-nik qupperneqartoq, ullumi ilasseqatigiinnertalimmik saqqummiunneqarpoq.

- Taanna imaqarpoq, Aasiviit 1976-imiit Narsap iluani aallartimmatali 1996-p tungaanut sunik sammisaqartarnerannik kulturikkullu assigiinngitsunik piffiusarnerannik atuakkiaq, taama Hjalmar Dahl oqarpoq.

Taanna aperaarput, sooq pisariaqarsorineraa inuiaqatigiit taama ittumik atuakkamik saqqummiussiffigineqarnissaat.

- Isumaqarama oqaluttuarisaanitsinnut nunatsinni pingaaruteqartupilorujussuusoq. Tassami Aasiviit aallartimmata inuit ataatsimoorlutik namminneq pilersitaminnik isumasioqatigiiffittaarput aasat tamaasa pisartumik. Taavalu taassuma saniatigut kulturikkut atituumik piffiusarluni, Hjalmar Dahl oqarpoq.

Taanna qalleqqissaavoq, naalakkersuinikkut nunatsinni ineriartornitsinni maannamullu inissisimanitsinnut Aasiviit tunngaviliisooqataasimaqisut.

Hjalmar Dahl apereqqipparput maanna Aasiveqartoqartannginnera qanoq isumaqarfigineraa.

- Soorunami uggornarpoq, kisianni taamaakkaluartoq nalunngilarput sinerissami tammaarsimaartarnerit aasiveerartarnerit allatigullu iliuuseqartarnerit ingerlanneqartut taakkulu oqalliffittut pisarlutik, oqarpoq.

Hjalmar Dahl isumaqarnerarpoq, Aasiviit 1996-imi unikkaluartut inuiaqatigiit assut kingornussaqarlutillu imaannaanngitsumik Aasiviit sunniuteqarsimaqisut.

Atuagaq 200-nik assilisanik assitaqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat