Atuagagdliutit siunissaat aalajangerneqartussanngorpoq

Aviisi Atugagdliutit akiliisinnaajunnaarluni uninnissaa pillugu aviisi Sermitsiaq nittartakkamini ullaaq manna allaaserisaqarpoq, tamannali Atuagagdliutit aaqqissuisuuneranit Inga Dora G. Markussenimit uppernarsarneqanngilaq, tamannalu Atugagdliutini sulisut akornanni eqqumiigineqarpoq.

Aaqqissuisup oqaaserisai sermitsiap nittartagaani issuarneqartut naapertorlugit, ataatsimiinneq Atugagdliutit siunissaannut aalajangiisuussaaq.

- Ajornartorsiortorujussuuvugut, ilumoorlungalu oqaatigisinnaavara, sivisunerusumik ingerlaqqissinnaanngilagut, Inga Dora G. Markussen Atugagdliutitaaqqissuisuat oqarpoq.

Aviisit allakkerivikkut nassiunneqartarnerannut tapiissut ukiortaami atorunnaassaaq, atorfinnillu inuttassarsiuinermi isertitarineqartartut ikilingaatsiarnerat aviisimut eqquinerluppoq.

Aviisit marluk Atugagdliutit Sermitsiarlu suleqatigiissinnaanerannik periarfissaq Sermitsiap nittartagaani allaaserineqarpoq,

Aviisit marluk taakkua siulersuisui maannakkut ataatsimiipput.

Aviisit, Sermitsiap aamma Atugagdliutit aaqqissuisuisa suleqatigiinnissamik periarfissamik isuma ammaffigaat.

Atuagagdliutit siulersuisuisa ataatsimiinneranni aviisip sermitsiap siulersuisui ataatsimeeqataanngillat.