Atuagagdliutit Sermitsiallu tapiiffigineqartarnerat
- Apeqqut akissallugu ajornakusoortorujussuuvoq, illuinnaasiortorujussuuvormi. Pissutsilli maanna taamaatsillugit - tassa nassiussuinermut tapiissut peerneqarpoq, taannaannaanngilarli, aamma sulisussarsiornernut ussassaarutit atorunnaarput - taakku Danmarkimut nuunneqarput, ilaallu ilanngullugit - isumaqarsimagaluarpugut kingusinnerusukkut tamanna piumaartoq, kisianni tassa suut tamarmik ataatsikkut pipput, Poul Krarup oqarpoq.
- Nutaami inissisimavugut, isumaqarpunga immitsinnut nassaariniartariartugut.
KNR-imi ilanngutassiami tusakkatsinni aviisinik marlunnik saqqummersitsisinnaasarnissarsi Erik Rygaardip ilimagaa, ermummatigaali tamanna ajornakusuussasoq, ulapinnartorujussuussaarmi, taamaalilluni aviisit assigiinngissutaat immaqa takujuminnaassalluni, Poul Krarup aperineqarpoq, akivorlu:
- Rygaardip ernummatai paasisinnaavakka, taamaammat-una anguniaripput aviisit assigiinngitsut marluk saqqummertarnissaat, tammanalu maanna aaqqiiviginiarsaraarput. Kisianni tassa oqareernittut, inissisimaffipput nutaajuvoq, siornatigut misigisimanngisaannakkatsinni inissisimavugut, kisianni tassa septembarimi/oktobarimi tamanna aatsaat aallartippoq, Poul Krarup erseqqissaavoq.
Soorlu ima nipaqartoq, ikaarsaarnissamut ilissi aviisissinni isumaqatigiissutaasoq, kisianni imaanngila tapiissutit annikillisinneqarnerat kisimi pineqartoq, Poul Krarup aperineqarpoq, akivorlu:
Tapiissut Kuupik Kleistip eqqartugaa tassaavoq Namminersortut aviisinut toqqaannartumik tapiissutaat.
- Tusagassiuutinut politikki aallartinneqarpoq, tusagassiuutimmi pillugit Kalaallit Nunaanni iliuuseqartoqartariaqarpoq. Kalaallit Nunaanni aviiseqassanersugut, Radioqassanersugut TV-qassanersugullu, qanorlu annertutigisumik, Namminersorlutik Oqartussat paasiniartariaqarpaat. Ikittunnguuvugummi, pitsaassaqaarlu marlunnik aviseqarsinnaagutta, Danmarkimimi illoqarfiit ilaat aviiseqanngillalluunniit, Poul Krarup oqarpoq.