Hans Enoksen, tunuarit. AG ullumi saqqummersoq taama allappoq.
Inatsisartut kukkunersiuinermut ataatsimiisitaliaasa isumaliuutissiissutaani aalisakkanik pisassiissutinik, Hans Enoksen-ip illikartitsisimanera uparuarneqarpoq. Innuttaasut marluk qinnuteqaamminni itigartinneqaqqaarsimagaluartut, aalajangiineq Hans Enoksen-p nammineerluni allanngortissimavaa.
- Isumaliuutissiissutip takutippaa, Hans Enoksen-imut kammalaataalluni imminut akilersinnaasoq, Hans Enoksen-illu iliuusaa ileqqorlunneruvoq, AG ullumi saqqummersoq taama allappoq.
Københavnimi Handelshøjskolemi politikkimik, filosofimik ingerlatsinermullu lektori Lise Lyck AG-mit apersorneqarluni ima oqarpoq:
- Naluara Kalaallit Nunaanni taamaaliortoqarsinnaanersoq. Kisianni Danmarkimi politikkikkut aalajangiinerit aqqutigalugit inatsisinik unioqqutitsisimasumik ministeriutitsisoqarsinnaanavianngilaq.
AG-mi allaaserisaq ima naggaserneqarpoq:
- Hans Enoksen Inatsisartunut Naalakkersuisut siulittaasuattut ingerlaannartinneqarpat, inatsisaatsuunermi paatsiveqanngissutsimilu inuusussanngortitaassaagut.
- Misigisimanngilanga unioqqutitsillunga, taamaammat aamma tunuarnavianngilanga, Hans Enoksen Radioavisimut oqarpoq.