Attumut attaveqaatit tamarmik suli ajoquteqarput
OPDATERET: Nunaqarfimmi Attumi attaveqaatit ajoquteqalerneri pissutaallutik tamaani oqarasuaatit internetilu suli atorneqarsinnaajunnaaqqapput.
Allattoq Apollo Jeremiassen
Nunaqarfimmi Attumi innuttaasut ilaquttaminnit oqarasuaatikkut suli pilluaqquneqarsinnaassanngillat, ikinngutiminnulluunniit Facebookikkut pilluaqqusisinnaassanatik.
Attumi sakkortusaavimmut suli attaveqanngilaq, ippassarlimi attaveeruttooramik.
Akornutaasoq aaqqinniarlugu teknikerit marluk ullumi Attumukartussaagaluarput, silalli ajornera pissutigalugu aallarnissaraluat taamaatiinnarneqarluni.
Tele-Postip ajoqutaasup paasiniarnerani nunaqarfiliartitsinissani pilersaarutigaa, aatsaallu ataasinngorpat marlunngorpalluunniit sila aaqqiimeriarpat teknikerit nunaqarfiliarsinnaanissaat naatsorsuutigineqarluni.