Attu ukiunik 200-nngortorsiortoq

Kommune Qeqertalik-mi nunaqarfiit kujallersaat ukioq manna ukiuni 200-nngortorsiorluni nalliuttorsiorpoq.

Nalliuttorsiornermut atatillugu nunaqarfimmiut assigiinngitsunik sammisaqartinneqassapput, ullaakkat nal. 8.00 erinarsoqatigiittoqassaaq, ullaakkorsioqatigiittoqareerpallu naalagiartoqatigiittoqassaaq.

Qaaqqusat unnukkut nereqatigiittoqareerpat qummoroortorneq ingerlanneqassaaq.

Attu-p ateqaatigaa arferup piniarneqarluni qeqertaq sanioqqutani attorsimammagu, taamaasillunilu Kommune Qeqertalik-mi nunaqarfiit kujallersaat taaguteqarlersimavoq Attu.

Nunaqarfik Attu tunngavilerneqarpoq 1818-mi, qassusersorluni piniarnermi misileraavittut.

Attu Kommune Qeqertallip nunaqarfiisa kujallersaat Kangaatsiamiit 40 kilomiiterit missiliorlugit kujasinnerusumiippoq.

Attumi innuttaasut tamaasa nalliuttorsiorneranni pilluaqquagut, Kommune Qeqertalimmi Borgmester Ane Hansen allappoq.