Kangaatsiap kujataani nunaqarfimmi Attumi sapaatiummat nuna sajuppoq, sajunnerlu nunap sajuppillattarneranik uuttuut richterskala naapertorlugu 3,0-mik sakkortussuseqarsimasoq, nunap sajuttarnera pillugu immikkut ilisimasalik Peter Voss Danmarkimi nunatsinnilu ujarassiuut misissuisarfianit GEUS-imit ilisimatitsivoq.
Nuna unnukkut arfineq-pingasu-qeqqata missaani sajuppoq Attormiullu oqaluttuarput allaat assit iikkamiit nakkaasimasut sikaaviillu ammaatitersimasut.
- Nuna sakkukitsunnguamik sajukkaluarpoq innuttaasulli sajunermik maluginnissinnaasimanerat peqquteqarpoq, sajunnerup qeqqa nunaqarfiup nalaani inissisimammat, Peter Voss taama nassuiaavoq.