Attavik 146 inunnit 75-init atorneqarsimavoq

Nuna tamakkerlugu oqarasuaatikkut siunnersuisarfik ATTAVIK 146 2007-imi aggustimi ammarneqarpoq.

Siunnersuisarnerup siunertaasa ilagaat imminornernut nuna tamakkerlugu pitsaaliuineq, PAARISA-miillu ataqatigiissaarneqarpoq. ATTAVIK 146-mit neqeroorutigineqartarpoq, inuit imminornissamut eqqarsaateqarunik imaluunniit allatigut annertuumik ajornartorsiortunut, kinaassutsimik isertuussilluni akeqanngitsumik siunnersuineq.

2007-imi naatsorsuinerup takutippaa, ammaanerup kingorna siunnersuineq qaammatini siullerni marlunni atorluarneqarnerusimasoq.

Sianertut 83 procentii arnaasimapput. Sianertut 64 procentii illoqarfinneerlutik 36 procentillu nunaqarfinneerlutik. Siunnersuilluni oqaloqateqarnerit annertunerpaamik pingasunngornikkut pisarput.

Kiserliorneq, imminornissamut eqqarsaateqarnerit, aappariinnermik ajornartorsiutit, ajornartorsiutit annertunerit sisamat akornanniissimapput, oqaloqatigiinnerit pingasuuppata marluk taakku pineqartarlutik.

Oqaloqateqarnerni ukiumi 2007-imi 75-usuni 20-t imminornissaq eqqaaneqartarsimavoq, kinguaassiutitigut atornerluinerit innarliinerillu aqqanillit kiisalu persuttaanerit aqqaneq-marlunnit siunnersuilluni oqaloqatiginninnermi pineqarsimallutik.

ATTAVIK 146 pingasunngornikkut arfininngornikkullu unnukkut nalunaaqutaq arfineq-marluk arfineq-pingasullu akornanni sianerfigineqarsinnaavoq.