Attaveqatigiinneq pitsaanerusinnaasoq borgmesterip nassuerutigaa

Ilimanami Oqaatsunilu sanaartornissamut siunnersuutit novembarimili aalajangiivigineqarput, taamaattoq nunaqarfinni aqutsisut suli paasitinneqanngillat. Attaveqatigiinnerup pitsaanerusinnaanera borgmesterip manna nassuerutigaa.
Allattoq Oline I. Olsen
apriilip 08-at 2010 15:00

Attaveqatigiinnerullu pitsaanerusinnaanera Jess Svanep nassuerutigaa.

- Kommunalbestyrelsemi akuersissutigineqartut allaffeqarfinnut tamanut nalunaarutigineqartarput. Naatsorsuutigaaralu nunaqarfiit allaffikkoorlugit ilisimatinneqareersimassasut.

Paasineqarsimannginnerinut suna tunngaviusinnaava?

- Taanna oqaatigiuminaattorujussuuvoq aamma taamaassimassappat taava attaveqatigiinnermut tunngasut iluarsisariaqassavagut, borgmester Jess Svane oqarpoq

Qaasuitsup kommuniani sullissivinnut attaveqatigiinneq pitsaanerusinnaasoq borgmesterip ilanngullugu nassuerutigaa.