VIDEO Attaveqaatit tuniniarnerani aammanerulersitsinissaq misissorluarneqaqqaassaaq
Ammanerulersitsinnginnermi misissuilluaqqaarnissaat pingaaruteqartinneqarput.
- Qulaajaanissaq sukumiisuusariaqarpoq, tassa imaappoq inuiaqatigiit tamarmik attaveqaatitigut periarfissaqarnissaat Naalakkersuisuni uagut qularnaagassarivarput siullerpaatut, taamaammallu taanna misissuinissaq sukumiisuusariaqarpoq, attaveqaqatigiinnermut naalakkersuisoq, Knud Kristiansen (A) KNR-imut oqarpoq.
Aamma atuaruk Combyimi pisortap attaveqaatinik unammillertoqartikkusuppaa
Nunattami isorartunera pissutaalluni atortulersugaaneq unammillernartoqarsinnaavoq, atortunillu aaqqittassaqarpat ingerlatsinermut akikitsuinnaaneq ajorluni.
- Tassa pingaartorujussuuvoq ugguuna nunatsinni uagut unammilligassaagut allanut sanillersuukkuminaapput nunat allat qiviarutsigit. Illoqarfiit nunaqarfiillu akornanni aqqusineqanngilagut, Knud Kristiansen oqarpoq.
Aamma atuaruk Ammanerulersitsineq Peqqinnissaqarfimmut akisussaaq
Inuiaqatigiit perusutaat, sumiiffinni akilersinnaasumik aaqqiissuteqarnissaq aamma kingunerusinnaasut misissugassanuttaaq ilaasariaqarsorai.
- Qanitut kinguneqarsinnaannerat aamma taakkua illuatungeriissillugit qulaajarnissaat tassa pisariaqassaaq, kisiat qaqugu naammassissanersoq qanutut qanutullu taanna oqaatigiuminaappoq suli, attaveqaqatigiinnermut naalakkersuisoq oqarpoq.
Aamma atuaruk Angerlarsimaffimmit sulisartut ammanerulersitsinermi eqqugaassapput
Ammanerulersitsinissap oqallisaasimaqisup qanoq aaqqiissuteqarfiginissaa ukiamut saqqummiunneqarsinnaassasoq Naalakkersuisoq erseqqissaavoq.
- Naatsorsuutigilluinnarpara piffissami qanittumi suliaq una piareerumaartoq taavalu aamma saqqummiunneqarsinnaasoq qanitut qanitullu, Knud Kristiansen oqarpoq.
Aamma atuaruk Attaveqaatinik ammanerulersitsinissamut suleriaaseq isornartorsiorneqarpoq