Tele-Post: Attaveqaatit nalinginnaasumik attaveqaqqilerput

Niaqernaartiip eqqaani oqarasuaatikkut, mobilikkut, internetikkut, radiomullu TV-mullu attaveqaatit maanna aaqqissimasut Tele-Post nalunaaruteqarpoq.
Assi © : Tele-Post
Allattoq Mads Lynge
aggustip 29-at 2017 09:37

Isertumi, Tiilerilaami Sermiligaamilu innuttaasut oqarasuaatikkut, mobilikkut, internetikkut, radiomullu TV-mullu nalinginnaasumik attaveqaqqilerput. Tele-Post tusagassiuutinut taama nalunaaruteqarpoq.

Niaqernaartiip eqqaani sakkortusaavimmut innaallagissamik pilersuineq sapaatip-akunnerata siuliani ataasinngornermi aggustip ulluisa 21-anni qamippoq, nunaqarfinnilu attaveeruttoqarneranik tamanna kinguneqarluni.

Tele-Postimi sulisut Niaqernaartimmi sakkortusaavik aggustip ulluisa 21-annili tikinniarsarileraat Tele-Postip nalunaarutigaa, sakkortusaavillu attavinitseqqinniarneqarluni. Sakkortusaavillu maanna attavinitseqqinneqartoq Tele-Postip nalunaarutigaa, nunaqarfiit attavineqqillutik. 

AAMMA ATUARUK Tele-Postip ajoqut paasivaa

 

AAMMA ATUARUK Tele Postip TV-mut radiomullu attaveqaatit aaqqinniarsarigai

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq