ATTAT ingerlaannaqqullugu Tommy Marø misissuisitsivoq

Ilinniagaqarfiit atuarfeqarfiillu nittartagaata ATTAT-ip ingerlaannaarnissaa pitsaanerulernissaalu anguniarlugu Kultureqarnermut Ilinniartitaanermullu Naalakkersuisoq Tommy Marø misisuisitsivoq aammalu ATTAT pillugu naalakkersuisunut saqqummiussiniarluni.
Allattoq Jaaku Lyberth
oktobarip 06-at 2008 14:28

- Nittartagaq ATTAT Inerisaaviup Ilisimatusarfiullu ulluinnarni suleqatigiinnerannut sunniuteqartariaqanngilaq, Tommy Marø oqarpoq.

ATTAT immikkuullarissumut inissinneqartariaqarpoq Ilimmarfiup ataaniinnani, ATTAT Ilimmarfiup aningaasaqarneranut nusutsisarpoq, Tommy Marø oqarpoq.

- ATTAT-mut aningaasartuutit eqqoriaruminaapput naatsorsoruminaallutik ilaatigut ukiumut 6 imaluunniit 10 millioni koruuninik akeqartarluni, Tommy Marø oqarpoq.

- ATTAT-ip matunissaa kissaatiginanngitsorujussuuvoq tamannalu siunertarineqarani, taamaattumik ATTAT-ip ingerlaannarnissaa atorfilittanit mississorneqarpoq, Tommy Marø oqarpoq, tamannalu siusinnerusukkut misissuiffigineqarnissaa suliassiissutigisimallugu.

Inerisaavik Ilisimatusarfimmit avissaartinneqarnisaanik Ilinniartitsisut kaffuffiata IMAK-ip kissaatigisaa isumatusaarnerunngitsoq, Tommy Marø oqarpoq, Inerisaavik ilisimatusarnermi sulianut naapertuuttunik suliaqarmat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq