Inissiarsuit quleriit Nuummi kommunimit pigineqartut marluk, attartortumiit piginnittumut aaqqissuussineq naapertorlugu tunineqarsinnaanerat, Naalakkersuisut ataatsimiikkamik akueraat.
Inissiarsuit pineqartut Nuussuarmi Paarnani inissisimapput, Paarnaniittut najugaqarfimminnik piginnittunngornissamut periarfissaqalernerat
Ineqarnermut naalakkersuisup, Jørgen Wæver Johansenip nuannaarutigaa:
- Naalakkersuisut aningaasaqarnikkut imminut napatissinnaanerulernissamik anguniagaqarlutik sulinerat kinguneqarluartoq paasillugu iluarisimaarnarpoq, Jørgen Wæver Johansen oqarpoq.
Illuinnaat, illut affarleriit aamma illut uiguleriit siusinnerusukkut tunineqartarsimapput, maannali tassa inissiarsuarnik pisisoqarsinnaanngorpoq.