Atsiorusuttut amerliartuinnavipput
Allattoq Mads Lynge
”Kalaallit politikeriisa atorfilittaasalu ileqqorissaarneq amigaatigaat”.
Taama aallaqqaasiuserlugu internetikkut atsiornernik katersuiniarneq ataasinngormat aallartippoq.
Qaffasissunik atorfillit qinikkallu illunik akikitsuararsuanngorlugit Namminersornerullutik Oqartussaniit pisisimanerannut tunngatillugu akerliliilluni atsiornernik katersuisoqarpoq, atsiornerillu amerliartuinnavipput.
Ullut marluk qaangiutereerput atsiortitsiniarnerit aallartinneqarmatali, maannamullu katersorneqarsimasut 1750-it sinnerpaat.