Atsiornerit 535-t tunniutissavai
- Sapinngisamik amerlasuut atsiortikkusussimavakka, maannalu atsiornerit 535-t pigilerakkit kommunimut ullumi tunniutissavakka, tarnillu nakorsaanik atorfinitsitsinissaq taakku tassa suliassarilissavaat, Tittus Nielsen Johansen oqarpoq.
Tarnip nakorsaanik arlalinnik kommunimi atorfinitsitsinissaq borgmesterip Jess Svanep siusinnerusukkut neriorsuutigisaraluarpaa, aamma tarnip pissusaanik ilisimasallit sullivissaannik pilersitsiniarluni neriorsuutigisarlugu. Tarnilli nakorsai Nunatsinni amigaataaqimmata taamaaliornissaq borgmesterip ajornartorsiutaanerarpaa, taamaammat Aasianni atorfinitsisisinnaanissap qaqugu pinissaa nalunarallarnerarpaa.