Peqatigiiffiup 16. aggustip atsiortiterneq aallartissimavaa, kalaallit qangaaniilli, ilami siulimik ukiuni hornorujulinni arlalinni ileqqorisimasaat, pinngortitami ujaqqanik katersisarnissaat atuutsiinnarusullugu.
Peqatigiiffik 16. aggustimik 2007-imik atserneqarpoq, taamani ujaqqanik pinnersaasiassaminnik katersisut tallimat politiinit taavalu Aatsitassanut Ikummatissanullu Pisortaqarfimmiit peersinneqarmata.
Kalaallit Nunaanni Aatsitassat Ikummatissallu pillugit Siunnersuisoqatigiit siunnersuutigaat inuit namminneq piumassutsiminnik ujaqqanik aatsitassanillu iluanaarniutigalugu katersisarnissamut akuersissummik pisimasut saniatigut 10.000 koruuninik akiliisitaasassasut, Peqatigiiffiulli 16. aggustip tamanna itigartippaa. Peqatigiiffik isumaqarpoq allaffissorluni ingerlatsinermut tunngavallaassasoq aammalu ujaqqanik annikitsunnguanik katersisartunut artornarpallaassasoq.