Atsioqatigiinnissaq qularutigineqanngilaq

Aalisarneq pillugu Kalaallit Nunaata EU-llu isumaqatigiinniarnerat Ilulissani akunnittarfimmi, Hotel Arcticimi, ingerlanneqaraluartoq ilaasartaammi Najaaraq Ittummi ippassaq pivoq, isumaqatigiinniat sermimut iigartartumut, Eqimut, takornariartinneqarmata.

EU-p isumaqatigiinniartitaasa pisortaat, spaniamiu César Deban, aalisarnermut EU-p Ataatsimiititaliarsuani akisussaasuusoq, isumaqatiinniartoqarnerani nippassimaarluartarpoq, sukataarluavittarluni. César Debanilli naatsorsuutigilluinnarpaa isumaqatigiissut nutaaq anguneqassasoq.

- Qularinngilluinnarpara isumaqatigiissut aqagu iluatsissallutigu. Imaassagunanngikkaluarpoq isumaqatigiissutit uanga nalinni pitsaanersaat – immaqa aamma Kalaallit Nunaannut naami – qularinngilluinnarparali aqagu atsioqatigiissasugut, César Deban oqarpoq.