Atortorissaarutit qamivinneqanngitsut aningaasartuutaasaqaat

Illup iluani atortorissaarutit ilimagisamit innaallagiartornerupput. TV-p, qarasaasiap, allalluunniit atortup, kallerup inneranik atuisup, ikeqqeriaannanngorlugu utaqqiisaa qaminneqartarnera, standby, akisoorujussuuvoq.
Allattoq Louise M. Kleemann
aggustip 20-at 2008 12:19

Naatsorsuutigineqarpoq Danmarkimi angerlarsimaffinni atortut kallerup inneranik atuinerisa 9 procentiat standby-ip atorneranik pissuteqartoq.

Tamannali allanngortinneqarsinnaavoq. EU-mi malittarisassat nutaat naapertorlugit atortut kallerup innitortut standby-ertittarnerat kallerup inneranik minnerujussuarmik atuisarnissaat piumasarineqarpoq.

Malittarisassat nutaat atuutilerpata Danmarkimi kallerup inneranik atuinerup procentinik arfineq¬-marlunnik millisineqarnissaa naatsorsuutigineqarpoq, tamanna danskit angerlarsimaffiisa 150-175.000-it missaanniittut kallerup inneranik atortagaattut annertutigaaq.

Kallerup innitortunik standby-ersinnaasunik 3,7 milliardinik EU-p iluani atuisoqarpoq. Taakkualu Grækenlandip kallerup inneranik ukiup ataatsip ingerlanerani atortagaasut annertutigisumik atuisarput, CO2-millu 19 millioni tonsinik mingutsitsisarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq