VIDEO Atornerluisuunerup kinguneranik sulinngitsuukulaneq ulluinnarsiutaasoq

Tallimanngornikkut qaammatillu naanerini sulinngitsuukulaneq ajornartorsiutaavoq inuiaqatigiinnullu akisulluni. Soorliuna aningaasarsisoqarsimatillu sulinngitsuukulasoqartartoq? Tamanna Qanoruup akissutisiniarlugu sulinngitsuukulasartut apersorpai.
Allattoq Nûno Isbosethsen, Mads Pedersen
novembarip 01-at 2016 13:19

Nunatsinni sulisartut akornanni sulinngitsuukulaneq suliffeqarfippassuarni ajornartorsiutaavoq. Sulinngitsuukulaneq atornerluisuunermik aallaaveqartoq ulluinnarni sulinngitsuukulasartut oqarluttuarput.

- Ullut 14-it ingerlanerini imigassaq peqqutaalluni sisamariarlunga sulinngitsoortarpunga, Susanne Larsen, Nuummiu, KNR-imut oqaluttuarpoq. 

Sulinngitsuukulasarneq inuiaqatigiinnut akisuvoq. Tamanna sapaatip akunnerata siuliani Kommuneqarfik Sermersuup uppernarsarpaa. 

Napparsimakulaneq kommunip utoqqarnik sullissinerani ukiumut 9 millionit koruunit angullugit naleqartartoq oqaatigineqarpoq. 

Ulluinnarni qulit napparsimasarnerat naliginnaasuuvoq akissarsiffinnilu 26-it sulinngitsoortarnerat aamma naliginnaasuulluni. 

Sulinngitsuukulasarneq Susanne Larsenip ilisarilluinnarpaa. Taannami sulingitsuukulanini pillugu suliffimminit soraarsitaagami maanna suliffeqarani qaammatit qulingiluanngorpai.

- Aningaasanik takugaangama eqqarsaqqaarnanga imigassanut aanngaarniutinullu atortarpakka, Susanne Larsen oqaluttuarpoq. 

Susanne Larsen kisimiinngilaq. Kunnar Egedep ajornartorsiut aamma ilisarilluarpaa. 

- Suliffik pingaaruteqaraluaqisoq allatut ajornartumii imigassaq pissutaalluni unittarpugut, Kunnar Egede KNR oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk