Atorfinnut inuttassarsioriaaseq allanngortinniarneqanngilaq

Namminersorlutik Oqartussat atorfinnut inuttassarsioraangamik qallunaallu tusagassiorfiini ussassaarigaangamik immikkut ilisimasalinnut sammitinneqartarput, aviisillu Kalaallit Nunaanniittut ingerlanneqarnerannut tunngavissat peerniarneqaratik.
Allattoq Mads Lynge
oktobarip 20-at 2009 16:16

Aningaasaqarnermut naalakkersuisoq Palle Christiansen, Siumut sinnerlugu Inatsisartunut ilaasortap Malik Berthelsenip apeqquteqaataanut taama akissuteqarpoq.

Namminersorlutik Oqartussat qallunaat tusagassiorfiisigut sulisussarsiortarnerat Nunatsinni aviisinit isornartorsiorneqarpoq. Aviisimmi Kalaallit Nunaanniittut aqqutigalugit sulisussarsiortarnerit ikilissappata aviisit Nunatsinniittut aningaasatigut isertitaat ikilissapput, aviisinummi nassiussinikkut tapersiisarneq ukiortaamiit atorunnaartussaavoq.

Allaffissornikkut sipaarniuteqarnissamik Inatsisartut aalajangiussarisimasaat pissutaallutik, immikkut ilisimasalinnut ussassaarinissaq Namminersorlutik Oqartussat siunniuppaat, assersuutigalugu nakorsat, aningaasaqarnikkut ilisimasallit, inatsisilerituullu ujartorneqartarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq