Atorfinititsisarnerup unitsinneqarnerata sivitsorneqarnera isorineqarpoq

Tassunga ilanngullugu oqaatigineqarpoq Namminersorlutik oqartussani sulisut ilaat sulinermut atatillugu ineqartut siunissami sulinerminnut atatillugu ineqartinneqartarnerat atorunnaarsinneqassasoq, aningaasaqarnermut naalakkersuisoq Palle Christiansen oqarpoq.

Atorfinititsisarnerup unitsinneqarnerata piffissaligaanngitsumik atuunnissaa aalajangerparput, sulinermut atatillugu inissiat atorneqarsinnaasut periarfissiinissaasa tungaannut Aningaasaqarnermut naalakkersuisoq Palle Christiansen oqarpoq.

Sulinermut atatillugu inissianik utaqqiisaasumillu inigitinneqartartut maannakkut amigaataanerannut aaqqissutaasinnaassunik ukiuni tulliuttuni nassaartoqarnissaa Palle Christiansenip naatsorsuutiginngilaa.

utaqqiissaasumik inigitinneqartut pisariaqartinnneqartut eqqarsaatigalugut taakkua amerlassusii ukiuni tulliuttuni pingasuni allanguuteqarnavianngitsut inissiat pillugit naatsorsuinerup takutippaa,

Inissianik nutaanik amerlasuunik sanaartortoqaraluartoq, pisariaqartinneqartunulli malinnaasinnaanngilagut, Palle Christiansen oqarpoq.

Sulisunut inissiat nutaat 15-it ukiormanna tunniunneqassapput. Atorfimmut atatillugu initaarnissamut utaqqiissaasumik inissiani najugaqartut maannakkut 100it sinnerlugit amerlassuseqarput, tassuunatigullu takuneqarsinnaavoq, inissiani utaqqiisaagallartuni najugaqartitsinermi ajornartorsiut suli atuummat, Palle Christiansen oqarpoq.

Naalakkersuisoqatigiit partiiannit IA-mit atorfinititsinerup unitsinneqarnera eqqarsarnartoqartinneqarpoq, inissiat pillugit IAp oqaaseqartartua Olga P. Berthelsen ima oqarpoq.

Inuiaqatigiinni sullissinerup aarriillinissaa Olga Berthelsenip takorloorpaa, atorninniarlutillu kissaateqartut atorfinissinnaassanngillat, inissaqartinneqanngikkunik, Olga P Berthelsen oqarpoq.

Inisssianik amigaateqarnerup ajornartorsiutaanerata qaangerneqarnissaa anguniarlugu Palle Christiansen suleqatigiissitamik sulisitaqarpoq.

Suleqatigiissitap misissussavaa maannakkut sulinermut atatillugu inissianik ineqartinneqartut siunissami sulinermut atatillugu ineqartinneqartaruunnaassanersut.

Maannakkut siusinnerusukkullu nalinginnaasuuvoq atorfininnermut atatillugu atorfinittut inissaanik tunisarlugit, maannakkulli naammattunik inissaqartinngilagut, tulleriaasoqassaaq pingaarnersiusoqarluni, atorfiit sorliit atorfinitsinnermi inissaannik tunineqartassanersut aamma solriit tunineqartassannginnersut, aningaasaqarnermut naalakkersuisoq Palle Christiansen oqarpoq.

Periuseq nutaaq atorneqalersoq illuatungiliuttut partiiannit toqqissisimanartinngeqanngilaq.

Sulisut atugaasa ajunngitsuunissaat pillugu politikkeqarnissaq pingaaruteqarpoq, Aleqa Hammond oqarpoq. Namminersorlutik Oqartussani sulisuunerup ajornerusumik pineqarluni pillaatisiaassanngilaq. Sulisut atugaasa ajunnginerunissaat pillugu sulisut kattuffii qanimut suleqatigineqartariaqartut, Aleqa Hammond oqaropq.

Siumut naalakkersuisuunerata nalaani inissianik naammattunik sanaartortoqarsimannginera pissutigalugu sulisunik atorfinititsinerup unitsinneqarneranut Siumut pisuutissallugu Aleqa Hammondip tunngavissaqannginnerarpa

Siumup naalakkersuisuuteqarnerata nalaani aatsaat tamak sanaartornermik annertuumik sanaartortoqarpoq. Sanaartorneq annertummat aningaasaliissutit malinnaasinnaasimanngillat, Aleqa Hammond oqarpoq, tassuunatigut takuneqarsinnaavoq, inissaaleqinerup akiorniarneqarneranut suliniuteqarneq. Allannguineqassapput innutaasut nallilersoqataanissaat Aleqa Hammondip pingaartutut isigaa.