Atorfillit qullersaat ataatsimeeqatigiittut
Namminersornerullutik Oqartussani pisortaq Kaj Kleist aammalu nunanut allanut ministereqarfimmii pisortaq Friis Arne Petersen ukioq affakkaarlugu ataatsimeeqatigiittarnertik ipaassaq ingerlappaat.
Kalaallit Nunaata Danmarkillu atorfilitsigoortumik soqutigisaat pillugit paasissutissanik immersoqatigiittarnermik ataatsimeeqatigiittarneq pisarpoq.
Eqqartorneqarsimasut ilagaat Kalaallit Nunaata Danmarkip USA-llu ukioq kingulleq aggustimi Igalikumi atsioqatiogiissimanerata qanoq ililluni atorluarneqarsinnaanera. Nunat taakku pingasut ilaaffigisaanik ataatsimiisitaliamik pilersitsinissaq aamma eqqartorneqarsimavoq.
Amerikamiut qaartartorsuarnut illersuusiassamut pilersaarusiaat Pituffimmullu attuumassuteqassanersoq pillugu nutaarsiassaqanngilaq.
Kalaallit Nunaat naalagaaffimmut 1953-mi pisinneqarmat iluamik paasissutissiisoqarsimannginnera pillugu Friis Arne Petersen-ip paasisimanerarpaa, oqaatigaali nunanut allanut ministereqaqarfiup taamanikkut paasissutissiilluartoqarsimannginnera ministereqarfiup oqallisigisussatut attuumassuteqarfiginngikkaa, Friis Arne Petersen-lu naggasiilluni oqarpoq;
- Apeqqut taanna nunanut allanut ministeeriaqarfiunngitsup poliitikerilli suliassaraat.
Hans Enoksenip Anders Fogh Rasmussenillu qaqugu ataatsimeeqatigiinnissaat ilisimaneqanngilaq, Folketing-mut qinersinissaq pissutigalugu ataatsimiinnissaraluaq statsministeriaqarfimmit kinguartinneqarsimammat.
